«ՄԱՍՇՏԱԲ» Բիզնես Ֆորումը՝ նոր հնարավորությունների սկիզբ
Մարտի 6-ին Երևանում տեղի ունեցավ «ՄԱՍՇՏԱԲ» բիզնես ֆորումը, որը միավորեց հայ և միջազգային գործարարներին՝ միջազգային շուկաներ մուտք գործելու նոր հնարավորություններ բացահայտելու համար։
Ֆորումի շրջանակներում ելույթ ունեցան տարբեր երկրների առաջատար բիզնես ակումբների նախագահներ՝ Դուբայից, Եվրոպայից, Ուզբեկստանից և Ղազախստանից, ինչպես նաև միջազգային բիզնեսի զարգացման մասնագետներ։ Նրանք կիսվեցին իրենց երկրների շուկաների առանձնահատկություններով, գործընկերային կապեր ստեղծելու հնարավորություններով և հաջողված միջազգային գործարքների փորձով։
𝐂𝐥𝐮𝐛 𝐂𝐚𝐩𝐢𝐭𝐚𝐥-ի նախագահ Գրիգոր Առաքելյանը, ներկայացնելով ակումբների ուժն ու դերը, խոսեց բիզնես ակումբների կարևորության մասին՝ որպես միջազգային տնտեսական կապերի ձևավորման արդյունավետ հարթակներ։
Ֆորումի կարևորագույն պահերից մեկը դարձավ «Ալյանս» ակումբների ցանցի նախագահի պաշտոնում Գրիգոր Առաքելյանի վերընտրությունը։ Տարբեր երկրների բիզնես ակումբների նախագահները միաձայն վերահաստատեցին իրենց վստահությունը՝ ընդգծելով նրա ներդրումը միջազգային բիզնես կապերի զարգացման գործում։